كسكسو مفتول بخضرة الموسم

كسكسو مفتول بخضرة الموسم كنحتاجو في تحضيره الى
لحم بيبي من جهة الصدر والفخذ
سميد
فورص
وهاهي الخضرة اللى درت

كلها لونها اخضر وهي متوفرة في هاذ الموسم من السنه
الفول الاخضر
الجلبانه
ليشو
كرعه خضراء طويله
كرعه خضراء مكركبه
فلفلة حارة
ربطة المعدنوس والقزبر

كندير اللحم يتقلى في البرمه مع البصلة ومطيشة والزيت والسمن البلدي
التوابل (ملح ابزار سكنجبير خرقوم عرق خرقوم عادي )

مني يتقلى تنزيدو الفول وليشو وربطة المعدنوس وندير الماء الكافي
كنبداو نوجدو الكسكسو
وتنديروها تطلع الطلعه الاولى
من بعد تنرشوها بالماء ونزيدو الجلبانه للبرمه
وتنعاود نديرها تطلع مرة الثانيه
في الطلعه الاخرة اللى هي الثالثه تنرشو الكسكسو بالماء وتندهنوه باالسمن مع شوية الملح
وتنزيدو للبرمه الكرعة مع الفلفلة حارة
ونخلويها تطيب
وتنسقيوها

بالصحة والراحة