خبز الدار روعة

خبز الدار روعة
منقول

المقادير
2 كيلو سميد متوسط
كاس متوسط زيت
مغرف كبيرة سكر
مغرف كبيرة ملح
مغرف كبيرة خميرة الخبز
مغرف زرارع مخلطين ( سانوج ، جلجلان، حبة حلاوة ، زريعة بسباس)
الماء الدافي
100غ زبدة ذايبة
كاس حليب
التحضير :
تخلطي الخميرة و السكر و شوية ماء دافي و تخليهم على جنب ، من جهة أخرى تحطي مع السميد الملح و الزرارع و تبسيه بالزيت .
زيدي خليط الخميرة و السكر و بلّي بالما دافي حتى تتلم العجينة ، بلا ماتعجني ياسر .
نغطيها ونخليها ربع ساعة أو 20 دقيقة ، و نكون ذوبت الزبدة و زدتلها الحليب ، يكون الخليط دافي ، و نبدا نعجن و نزيد من هاداك الخليط بالشوية حتى نكمل الكمية و نلم مليح العجينة و نعرف أنها تسربت مليح ، راح تكون طرية .
ندهن السنيوات لي عندي و نقسم العجين خبزات ، و نزيد نخليهم تقريبا ربع ساعة أخرى و نقرصهم مليح ، مايكونوش خشان ياسر و ماشي رقاق .
نزينهم حسب الرغبة
نخليهم مغطيين حتى يتضاعف الحجم ، ندهن بخليط من البيض و الحليب ، و نذري السينوج .
نكون مسخنة الفرن مسبقا ، نحط الخبز يطيب على درجة حرارة 200درجة مئوية ، حتى يتحمر مليح .
نحيه و نخليه شوية و نقلبو باش مايتنداش .
نقطعو و نقدمو مع واش حبيت ...
الصور توضح المراحل ..
شهية طيبة