مطبخ أم أيمن

طورطة البسكوي ساهلة وبلا فران

المقادير

3علب بسكوي اخترت هرنيس
نهرسوه ونزيدو عليه فواكه جافة لوز كركاع تمر شريحة زبيب كاوكاو مقطعين
نوجدو كاس كاكاو مع كاس سنيدة ونص كاس تقريبا ماء ونخلطوهم مزيان ونديروهم في كاسرونة على عافية مهيلة ونزيدو معلقه كبيرة زبدة حتى يتجانس نخليوه شوية يبرد ونكبوه فوق خليط البسكوي والفواكه الجافة
نديروه في المول اللى عندها القاع متحرك نضغطو عليه ونخليوه يبرد شي ساعات
مني يشد لافورم نوجدو نص رابعه شكلاط في البان ماغي ونزيدو عليه دانيت شكلاط
التزيين اختياري

منقول

طبعا هاذي بييلا كبيرة والمقادير كتبقى عينك ميزانك لكن كل ماكان الحوت أكتر كتكون أفضل بكثير

800 غ كلمار طيبتو فالماء المملح + 1 كيلو كروفيت مقشر وشوية بالقشور + 250 غ almejas المحار

mejillones غ 500 (بوزروك ) 250غ هبرة الحوت أبيض أنا عملت كوربينا معرفتشي شنو كتسميوها

ضرس ونص كبير ديال الثوم + 1 ونص فلفلة حمرا كبيرة + 1 ونص فلفلة خضرا + 1 ماطيشة كبيرة حمرا + شوية د الجلبانة +

3 زعفران + م ك كامون + م ك عامرة تحميرة +

شووووية د لبزار + الزيت بلدية تقريبا كاس + زلافة وربع د الروز

كنحمر الفلفل شوية غير يدبال نضيف الثوم ونخليها شوية ونضيف مطيشة والعطرية والملح حتى تدبال مطيشة ونضيف الكروفيت والكلمار والجلبانة نخليهم يطيبو وحد

الشوية ونضيف الروز ونزوق بالكروفيت لي بقشورو و بالمحار وبوزروك بعد ما عملتهم في مقلة فيها شوية د الما طايب وخليتهم يغليو باش يتفتحو والماء لي طيبت فيه

الكلمار وفتحت بيه المحار كنمرق بيهم نخليها تطيب حتى يطيب الروز وبالصحة والراحة